Më 26 dhjetor 2025, në Reporting House u dëgjua një zë që nuk lejon harresën.
Në një takim të mbushur me ndjeshmëri dhe reflektim, Teuta Elshani ndau përvojën e saj si e mbijetuara e vetme e familjes Elshani nga Korrotica e Ulët e Drenasit. Rrëfimi i saj, i lidhur me humbjen e familjes gjatë masakrës së Poklekut të Vjetër më 17 prill 1999, u shndërrua në një akt të fuqishëm dëshmie dhe përgjegjësie kolektive për të mos harruar.
Nën moderimin e Prof. Donika Shahini Lami, diskutimi u përqendrua në mënyrën se si trauma personale bartet në kujtesën shoqërore, si dhe në rëndësinë e ruajtjes së së vërtetës historike për brezat që vijnë.
Ky event nuk foli vetëm për të kaluarën. Ai rikujtoi domosdoshmërinë e dëgjimit, respektit dhe kujtesës si formë qëndrese.
