Më 29 nëntor 2025, në Reporting House u mbajt një diskutim i hapur me fotografin dhe kontribuesin e muzeut Ridvan Slivova, i cili eksploron fotografinë si formë dokumentimi dhe si gjuhë artistike.
Duke u bazuar në punën shumëvjeçare të Slivovës në këtë fushë, diskutimi trajtoi rolin e fotografisë në ruajtjen e kujtesës kolektive dhe interpretimin e realitetit. U diskutuan tema si dokumentimi i luftës, etika e imazhit dhe kufiri i hollë mes fotografisë artistike dhe asaj dokumentare.
Ngjarja ishte e hapur për të gjithë të interesuarit për të diskutuar rreth fotografisë, aftësisë së saj për të formësuar perceptimin e realitetit, si dhe mënyrës se si ajo shndërrohet në një gjuhë vizuale dhe artistike.
